'الحمدللہ' کرکٹر رومان رئیس کا بیٹی کے حوالے سے ٹوئٹ rumman raees daughter Roha 126

‘الحمدللہ’ کرکٹر رومان رئیس کا بیٹی کے حوالے سے ٹوئٹ rumman raees daughter Roha

کراچی: قومی ٹیم کے فاسٹ بولر رومان رئیس نے بیٹی کے حوالے سے ٹوئٹ کر کے اپنے مداحوں کو بیٹی کی صحت سے متعلق آگاہ کیا ہے۔

اے آر وائی نیوز کے مطابق دو دن قبل رومان رئیس کی 2 سالہ بیٹی روحہ گھر کی پہلی منزل سےگر کر زخمی ہوگئی تھی، بیٹی کو سر پر چوٹ آئی تھی اور ناک کی ہڈی بھی ٹوٹی تھی۔

آج رومان رئیس نے ایک ٹوئٹ میں اللہ کا شکر ادا کرتے ہوئے بتایا کہ ان کی بیٹی روحہ کی صحت اب بہتر ہو رہی ہے، اور مداحوں سے کہا کہ آپ سب کی دعاؤں سے ان شاءاللہ جلد مکمل صحت یاب ہو جائے گی۔

فاسٹ بولر نے لکھا کہ ان کی بیٹی کی صحت یابی کے لیے بھیجے گئے پیغامات، تبصرے، خبریں اور آرٹیکلز انھوں نے دیکھے، اس سب کے لیے میں آپ سب کا بے حد شکر گزار ہوں۔

رومان رئیس کا کہنا تھا کہ مداحوں کی جانب سے ملنے والی دعائیں میرے اور میرے خاندان کے لیے بہت معنی رکھتی ہیں، میں شکریہ ادا کرتا ہوں۔

کرکٹر رومان رئیس پر قیامت ٹوٹ پڑی ، ننھی بیٹی زندگی اور موت کی کشمکش میں مبتلا

واضح رہے کہ رومان رئیس کی بچی کو حادثے کے بعد شدید زخمی حالت میں کراچی کے نجی اسپتال منتقل کیا گیا تھا، جہاں ڈاکٹرز نے اسے آئی سی یو میں منتقل کر دیا تھا۔

خیال رہے کہ قومی ٹیم کے فاسٹ بولر رومان رئیس طویل عرصے سے قومی ٹیم میں شامل نہیں ہیں، تاہم پی ایس ایل سیزن 7 میں انھوں نے ملتان سلطانز کی نمائندگی کرتے ہوئے بہترین کارکردگی کا مظاہرہ کیا تھا۔

Comments





Source link

abdul aziz siddiqui
Author: abdul aziz siddiqui

Abdul Aziz Siddiqui Advocate ||Writer ||columnist at khabraindaily @Azizsiddiqui100 is senior lawyer and columnist from Karachi

اس خبر پر اپنی رائے کا اظہار کریں