بھارتی شائقین روہت شرما پر برس پڑے 117

بھارتی شائقین روہت شرما پر برس پڑے

بنگلور: بھارت اور سری لنکا کے درمیان جاری دوسرے ٹیسٹ میچ میں کپتان روہت شرما ڈیبیو کرنے والے میانک اگروال کے رن آؤٹ ہونے پر تنقید کی زد میں آگئے۔

تفصیلات کے مطابق سری لنکا کے خلاف بنگلور ٹیسٹ کی پہلی اننگز میں بھارتی ٹیم 252 رنز بنا کر آؤٹ ہوگئی، کپتان روہت شرما 15 اور ڈیبیو کرنے والے اوپنر میانک اگروال 4 رنز بنا کر رن آؤٹ ہوئے۔

روہت شرما اس وقت مداحوں کی تنقید کا نشانہ بن گئے جب میانک اگروال رن آؤٹ ہوئے کیونکہ روہت رن لینے کے لیے تیار نہیں تھے۔

ویڈیو میں دیکھا جاسکتا ہے کہ سری لنکن اسپنر وشوا فرنینڈو نے گیند کی جو میانک اگروال کے پیڈ سے لگی اور کھلاڑی آؤٹ ہونے کی اپیل کرنے لگے لیکن امپائر نے اسے نوبال قرار دیا اور میانک اگروال سنگل لینے دوڑے لیکن روہت شرما رن کے لیے تیار نہ تھے۔

سری لنکن وکٹ کیپر ڈک ویلا بھی رن آؤٹ کرنے سے پہلے اس کشمکش میں نظر آئے کہ ریویو لے یا نہ لیں پھر انہیں نے تھوڑی دیر کے بعد اگروال کو رن آؤٹ کیا۔

اگروال 4 رنز بنا کر پویلین لوٹ گئے اور ان کے رن آؤٹ ہونے کے کپتان روہت شرما بھی لمبی اننگز نہیں کھیل سکے اور صرف 15 رنز بنا کر پویلین لوٹ گئے۔

میانک اگروال کے رن آؤٹ ہونے پر بھارتی شائقین کپتان روہت شرما پر برس پڑے اور ان پر سخت تنقید کی۔

ایک صارف نے لکھا کہ آپ کیوں نہیں چاہتے کہ آپ کا ساتھی آپ سے زیادہ اسکور کرے، ہر سیریز میں ان کا پارٹنر ان کی وجہ سے آؤٹ ہوا۔

ایک اور صارف نے لکھا کہ روہت شرما نہیں چاہتے کہ کوئی ان کی جگہ لے۔

واضح رہے کہ تین میچوں کی سیریز میں بھارت کو سری لنکا کے خلاف 1-0 کی برتری حاصل ہے۔

Comments





Source link

abdul aziz siddiqui
Author: abdul aziz siddiqui

Abdul Aziz Siddiqui Advocate ||Writer ||columnist at khabraindaily @Azizsiddiqui100 is senior lawyer and columnist from Karachi

اس خبر پر اپنی رائے کا اظہار کریں