تحریک عدم اعتماد؛ ایم کیو ایم پاکستان کا جلد سیاسی ڈرون گرائے جانے کا امکان 131

تحریک عدم اعتماد؛ ایم کیو ایم پاکستان کا جلد سیاسی ڈرون گرائے جانے کا امکان

مشاورتی عمل جاری ہے—فائل فوٹو

 کراچی: متحدہ قومی موومںٹ (ایم کیو ایم) پاکستان نے حکومت کے مقابلے میں متحدہ اپوزیشن کا ساتھ دینے کے لیے سیاسی آزادی، دفاتر کو کھولنے، جھوٹے مقدمات کے خاتمے، لاپتا کارکنان کی واپسی اور اسیر کارکنان کی رہائی سے متعلق شرائط طے کرلی ہیں۔

ایکسپریس نیوز کے مطابق ذرائع نے بتایا کہ لوکل گورنمنٹ کے حوالے سے اداروں کو آئنی تحفظ دیے جانے کے حوالے سے ایم کیو ایم کے تیار کردہ بل پر عمل کرایا جانا بھی شرائط کی فہرست میں شامل ہے۔

ذرائع کے مطابق ایم کیو ایم پاکستان کی جانب سے جلد اپنا سیاسی ڈرون گرائے جانے کا امکان ہے جبکہ مشاورتی عمل جاری ہے اور وسیم اختر کو بھی ٹی وی ٹاک شوز میں جانے سے روک دیا ہے۔

ذرائع نے بتایا کہ ایم کیو ایم پاکستان نے متحدہ اپوزیشن کے سامنے بلدیاتی انتخابات سے قبل کراچی اور شہری علاقوں میں جہاں ایم کیو ایم کی نمائندگی ہے وہاں پارٹی کے نامزد کردہ پڑھے لکھے ایڈمنسٹریٹر تعینات کرنے کی شرط بھی رکھے گی۔

اس حوالے سے بتایا گیا کہ حلقہ بندیوں کے حوالے سے معاملات پر مشاورت پر ایم کیو ایم کو شامل کرنے کا مطالبہ کیا جائے گا۔





Source link

sobaan saeed
Author: sobaan saeed

Sobaan saeed is writer||Blogger||works at khabraindaily

اس خبر پر اپنی رائے کا اظہار کریں