سابق آئی جی سندھ غلام حیدر جمالی کے خلاف نیب انوسٹی گیشن کی منظوری 116

سابق آئی جی سندھ غلام حیدر جمالی کے خلاف نیب انوسٹی گیشن کی منظوری

نیب نے سابق ایس پی عمر ورک کے خلاف انکوائریز بند کرنے کی منظوری دے دی۔ فوٹو:فائل

 اسلام آباد: نیب ایگزیکٹو بورڈ نے سابق آئی جی سندھ غلام حیدر جمالی کے خلاف انوسٹی گیشن کی منظوری دے دی۔ 

ایکسپریس نیوز کے مطابق چیئرمین جسٹس (ر) جاوید اقبال کی سربراہی میں نیب ایگزیکٹو بورڈ کا اجلاس ہوا، جس میں 2 تحقیقات اور 11 انکوائریز کی منظوری دے دی۔

اجلاس میں سابق انسپکٹر جنرل پولیس (آئی جی) سندھ غلام حیدر جمالی  اور دیگر اور  ڈائریکٹر محکمہ زراعت ڈی آئی خان کے خلاف انوسٹی گیشنز کی منظوری دی گئی، جب کہ یوٹیلیٹی اسٹور کارپوریشنز کی انتظامیہ، پنجاب کو آپریٹو بورڈ آف لیکویڈ یشن کے افسران کے خلاف انکوائریاں شروع کرنے کی منظوری دی گئی۔ جب کہ ریلویز، وزرات ہاؤسنگ و ورکس اور اسٹیٹ آفس کے خلاف انکوائریاں شروع کرنے کا فیصلہ کیا گیا۔

محکمہ جنگلات ہری پور، چیف انجینئر محکمہ آبپاشی لاڑکانہ اور پروفیسر غلام اصغر چنا وائس چانسلر شہید محترمہ بے نظیر بھٹو میڈیکل یونیورسٹی لاڑکانہ کے خلاف انکوائریز کی منظوری دی گئی۔ ایگزیکٹو بورڈ نے آدم خان آٹو موبائلز کے خلاف شکایت آئی جی خیبر پختونخواہ کو کارروائی کے لئے بھجوانے کی منظوری دے دی ہے، جب کہ بورڈ نے سی ڈی اے کے افسران و اہلکاران اور دیگر اور سابق ایس پی عمر ورک  کے خلاف انکوائریز بند کرنے کی بھی منظوری دے دی ہے۔





Source link

sobaan saeed
Author: sobaan saeed

Sobaan saeed is writer||Blogger||works at khabraindaily

اس خبر پر اپنی رائے کا اظہار کریں