عمران خان کی وجہ سے سارے چور اکٹھے ہو گئے مگر عوام انکو چھپنے نہیں دینگے، بابر اعوان 90

عمران خان کی وجہ سے سارے چور اکٹھے ہو گئے مگر عوام انکو چھپنے نہیں دینگے، بابر اعوان

عمران خان کی وجہ سے سارے چور اکٹھے ہو گئے مگر عوام انکو چھپنے نہیں دینگے، بابر اعوان

اسلام آباد (92 نیوز) – مشیر پارلیمانی امور بابراعوان کا کہنا ہے عمران خان کی وجہ سے سارے چور اکٹھے ہو گئے مگر عوام انکو چھپنے نہیں دینگے۔

اسلام آباد میں ملکی تاریخ کے پہلے تین روزہ اوورسیز کنونشن کا باضابطہ آغاز ہو گیا۔ مشیر برائے سمندر پار پاکستانیز ایوب آفریدی، وزیر مملکت فرخ حبیب اور ڈاکٹر بابر اعوان شریک ہوئے۔ کنونشن سے خطاب کرتے ہوئے بابر اعوان نے کہا ملک میں آئندہ حکومت بھی تحریک انصاف کی ہو گی۔ حکومت پانچ سال پورے کرنے کے بعد دوبارہ پانچ سال کیلئےآئے گی۔ عمران خان نے جب اقتدار سنبھالا تو ملک مشکلات کا شکار تھا۔ کورونا پر بہترین حکمت عملی سے قابو پایا۔ ہماری کوششوں کی پوری دنیا معترف ہے۔ وزیراعظم نے وہ اقدامات کئے جو 70 سال میں نہ ہو سکے۔ اوورسیز کے لئے مزید آسانیاں پیدا کریں گے۔

وزیرمملکت فرخ حبیب بولے عمران خان پر عدم اعتماد نہیں بلکہ اعتماد پلس ہونے جا رہا ہے۔ اوورسیز پاکستانی ہمارے دل کے بہت قریب ہیں۔ وزیراعظم اوورسیز پاکستانیوں کے لئے خصوصی اقدامات کر رہے ہیں۔ اوورسیز پاکستانی ہی ہماری فارن فنڈنگ ہیں۔بلاول، زرداری ،مریم آکر ہماری فنڈنگ کرنے والوں کودیکھ لیں۔

شہباز گل نے کہا عدم اعتماد پر حکمت عملی تیار کر لی۔ ن لیگ مقابلے کے بجائے کردار کشی پر اتر آئی ہے۔ اپوزیشن کس کس سے رابطے کر رہی ہے سب معلوم ہے۔ اتحادی اپنا فیصلہ خود کریں گے ، ہم ان کے ساتھ انگیج ہیں۔



Source link

Saqib Mehmood
Author: Saqib Mehmood

Saqib Mehmood is a writer||Columnist||Blogger ||works at khabraindaily

اس خبر پر اپنی رائے کا اظہار کریں