ٹانک میں پولیس کی گاڑی کے قریب ریموٹ کنٹرول دھماکا 123

ٹانک میں پولیس کی گاڑی کے قریب ریموٹ کنٹرول دھماکا

دھماکے میں ایک اہلکار معمولی زخمی ہوا (فوٹو فائل)

ٹانک: خیبرپختونخوا کے ضلع ٹانک میں پولیس وین کو ریموٹ کنٹرول بم سے نشانہ بنایا گیا جس میں سوار اہلکار معجزانہ طور پر معمولی زخمی ہوا۔

ایکسپریس نیوز کے مطابق ٹانک میں جنوبی وزیرستان روڈ پر بم دھماکا ہوا، جس میں پولیس موبائل کو نشانہ بنایا گیا۔ حکام کے مطابق دھماکا پرانے کسٹم پمپ کے قریب سڑک کنارے نصب ریموٹ کنٹرول بم سے کیا گیا۔

پولیس حکام کے مطابق دھماکے کے نتیجے میں ایک اہلکار زخمی ہوا جبکہ باقی تمام سوار اہلکار معجزانہ طور پر محفوظ رہے۔ زخمی اہلکار کو طبی امداد کے لیے اسپتال منتقل کردیا گیا۔

دھماکے کے بعد پولیس اور تحقیقاتی اداروں کے اہلکاروں نے جائے وقوعہ پر پہنچ کر شواہد اکھٹے کیے۔





Source link

sobaan saeed
Author: sobaan saeed

Sobaan saeed is writer||Blogger||works at khabraindaily

اس خبر پر اپنی رائے کا اظہار کریں