غلام محمود ڈوگر کا CCPO لاہور کا چارج چھوڑنے سے انکار – Jehan Pakistan News 8

غلام محمود ڈوگر کا CCPO لاہور کا چارج چھوڑنے سے انکار – Jehan Pakistan News

وزیرِ اعلیٰ پنجاب چوہدری پرویز الہٰی، آئی جی پنجاب اور سی سی پی او لاہور کے درمیان کشیدگی عروج پر پہنچ گئی، وفاق کے نوٹی فکیشن کے باوجود سی سی پی او لاہور غلام محمود ڈوگر نے چارج چھوڑنے سے انکار کر دیا۔

سی سی پی او لاہور غلام محمود ڈوگر نے کہا ہے کہ میں چارج نہیں چھوڑ رہا، جب تک پنجاب حکومت نہیں چھوڑے گی، نہیں جاؤں گا۔

ذرائع کے مطابق سی سی پی او لاہور غلام محمود ڈوگر کو مریم اورنگزیب اور جاوید لطیف پر مقدمہ درج کرنے پر ہٹایا گیا ہے۔

ذرائع کا کہنا ہے کہ آئی جی پنجاب فیصل شاہکار نے سی سی پی او لاہور غلام محمود ڈوگر کو یہ مقدمہ درج کرنے سے منع کیا تھا۔اور مقدمے کے اندراج کے لیے انہیں لیگل رائے لینے کا حکم دیا تھا۔

ذرائع کے مطابق سی سی پی او نے 7 روز میں چارج نہ چھوڑا تو وفاق انہیں معطل کر سکتا ہے۔

اس حوالے سے وزیرِ اعلیٰ پنجاب پرویز الہٰی کی زیرِ صدارت آج دوپہر ویڈیو لنک کانفرنس ہو رہی ہے۔

ذرائع کا یہ بھی کہنا ہے کہ آئی جی پنجاب فیصل شاہکار کو بھی آج صبح پیغام بھیج کر اس کانفرنس میں شرکت کی دعوت دی گئی ہے۔



Source

sobaan saeed
Author: sobaan saeed

Sobaan saeed is writer||Blogger||works at khabraindaily

اس خبر پر اپنی رائے کا اظہار کریں