ٹی ٹوئنٹی رینکنگ، بابر اعظم کی ایک درجہ تنزلی 9

ٹی ٹوئنٹی رینکنگ، بابر اعظم کی ایک درجہ تنزلی

ایشیا کپ میں ناقص بیٹنگ کے باعث پاکستان کے کپتان بابر اعظم کی آئی سی سی  ٹی ٹوئنٹی رینکنگ میں ایک درجہ تنزلی ہو گئی ہے۔

تفصیلات کے مطابق بھارتی بلے باز سوریا کمار یادیو نے آئی سی سی کی تازہ ترین ٹی ٹوئنٹی رینکنگ میں پاکستانی کپتان بابر اعظم کو پیچھے چھوڑ دیا ہے۔ یادیو نے بابر کو پچھاڑ کر تیسری پوزیشن حاصل کی، جبکہ بابر ایک مقام نیچے چوتھے نمبر پر آگیا ہے۔

یادیو نے موہالی میں پہلے ٹی ٹوئنٹی میچ میں آسٹریلیا کے خلاف بھارت کے لیے 46 رنز کی شاندار اننگز کھیلی۔ سوریا کمار یادیو780 پوائنٹس کے ساتھ تیسرے نمبر پر ہیں جبکہ جنوبی افریقہ کے ایڈن مارکرم 792 پوائنٹس کے ساتھ دوسرے نمبر پر ہیں۔

پاکستان کے وکٹ کیپر بلے باز محمد رضوان 825 پوائنٹس کے ساتھ پہلی پوزیشن پر ہیں۔ کراچی کے نیشنل اسٹیڈیم میں انگلینڈ کے خلاف حالیہ پہلے ٹی ٹوئنٹی میچ میں رضوان نے شاندار نصف سنچری بنائی۔

بابر، جو ایک طویل عرصے سے ٹاپ پوزیشن پر قابض تھے، ان کی فارم میں کمی دیکھی گئی ہے کیونکہ ان کا بیٹ حال ہی میں ختم ہونے والے ایشیا کپ 2022 میں رنز بنانے میں ناکام رہا ہے۔

پاکستانی کپتان نے پہلے ٹی ٹوئنٹی میں انگلینڈ کے خلاف 31 رنز بنائے انہیں لیگ اسپنر عادل رشید اپنی گگلی پر کلین بولڈ کیا تھا۔

دریں اثناء پاکستان کے تیز گیند باز حارث رؤف انگلینڈ کے خلاف زبردست کارکردگی کے بعد ٹی ٹوئنٹی باؤلرز کی تازہ ترین فہرست میں چار درجے ترقی کر کے 21 ویں نمبر پر پہنچ گئے ہیں۔

جب کہ پاکستانی ٹیم کے اسپنر محمد نواز تین درجے چھلانگ لگا کر 31 ویں نمبر پر پہنچ گئے ہیں۔

<!––>



Source link

abdul aziz siddiqui
Author: abdul aziz siddiqui

Abdul Aziz Siddiqui Advocate ||Writer ||columnist at khabraindaily @Azizsiddiqui100 is senior lawyer and columnist from Karachi

اس خبر پر اپنی رائے کا اظہار کریں