عاقب جاوید کا شاہین کو ٹی ٹوئنٹی ورلڈ کپ نہ کھیلنے کا مشورہ 11

عاقب جاوید کا شاہین کو ٹی ٹوئنٹی ورلڈ کپ نہ کھیلنے کا مشورہ

پاکستان کے سابق فاسٹ باؤلر عاقب جاوید نے فاسٹ باؤلر شاہین شاہ آفریدی کو اگلے ماہ ٹی ٹوئنٹی ورلڈ کپ نہ کھیلنے کا مشورہ دیا ہے۔

تفصیلات کے مطابق لاہور قلندرز کے ہیڈ کوچ عاقب جاوید کا کہنا ہے کہ فاسٹ باؤلر شاہین شاہ آفریدی کو آئندہ ٹی ٹوئنٹی ورلڈ کپ نہیں کھیلنا چاہیے کیونکہ وہ گھٹنے کی انجری سے صحت یاب ہو رہے ہیں۔

واضح رہے کہ آفریدی کو سری لنکا کے دورے پر گھٹنے کی انجری ہوئی تھی جس کی وجہ سے انہیں ایشیا کپ کے ساتھ ساتھ انگلینڈ کے خلاف آئندہ ہوم سیریز سے باہر ہونا پڑا تھا۔

شاہین شاہ آفریدی ابتدائی طور پر ایشیا کپ میں پاکستانی اسکواڈ کے ساتھ وقت گزارنے کے بعد جہاں وہ ٹیم کے ڈاکٹر اور فزیو کے ساتھ اپنی بحالی سے گزر رہے تھے، پی سی بی نے فیصلہ کیا تھا کہ آفریدی انگلینڈ میں گھٹنے کی بحالی کے ماہر سے ملیں گے۔

مقامی نجی میڈیا کے مطابق شاہین شاہ آفریدی نیوزی لینڈ اور بنگلہ دیش پر مشتمل سہ فریقی سیریز سے بھی محروم ہوں گے کیونکہ وہ آسٹریلیا میں پاکستانی اسکواڈ میں شامل ہوں گے، جہاں میگا ایونٹ کھیلا جانا ہے۔

نجی میڈیا کی ویب سائٹ کے مطابق عاقب جاوید کا کہنا ہے کہ ورلڈ کپ میں کھیلنے سے شاہین کی انجری مزید بڑھ جائے گی۔

عاقب جاوید نے ایک تقریب میں مزید کہا کہ شاہین آفریدی جیسے تیز باؤلر ہر روز پیدا نہیں ہوتے، شاہین آفریدی کو میرا مشورہ یہ ہے کہ وہ آئندہ ٹی ٹوئنٹی ورلڈ کپ نہ کھیلیں کیونکہ شاہین اس ورلڈ کپ سے زیادہ اہم ہیں۔

یاد رہے کہ گرین شرٹس 23 اکتوبر کو آسٹریلیا کے میلبورن کرکٹ گراؤنڈ (ایم سی جی) میں روایتی حریف بھارت کے خلاف اپنی ورلڈ کپ مہم کا باضابطہ آغاز کرے گا۔

<!––>



Source link

abdul aziz siddiqui
Author: abdul aziz siddiqui

Abdul Aziz Siddiqui Advocate ||Writer ||columnist at khabraindaily @Azizsiddiqui100 is senior lawyer and columnist from Karachi

اس خبر پر اپنی رائے کا اظہار کریں