پاکستانی باکسر تیمور خان اور شہیر آفریدی نے بھارتی حریف کو شکست سے دو چار کردیا 15

پاکستانی باکسر تیمور خان اور شہیر آفریدی نے بھارتی حریف کو شکست سے دو چار کردیا

تھائی لینڈ میں ہونے والے ایشین باکسنگ فیڈریشن کے پروفیشنل مقابلوں میں پاکستانی باکسرز نے شاندار کارکردگی کا مظاہرہ کرتے ہوئے 3 ٹائٹل اپنے نام کرلیا ہے۔

پاکستانی باکسر تیمور خان نے ایشین باکسنگ فیڈریشن میں بھارتی باکسر ویدانت اگروال کو شکست دے کر ہیوی ویٹ ٹائٹل اپنے نام کیا۔

ہیوی ویٹ ٹائٹل کے لیے پاکستانی باکسر تیمور خان اور بھارتی باکسر رنگ میں اترے تو تیمور خان نے بھارتی باکسر پر مکوں کی برسات کردی اور وہ چند راؤنڈز کے بعد ٹیکنیکل ناک آؤٹ ہوگئے۔

ایشین باکسنگ فیڈریشن کے مڈل ویٹ ٹائٹل کا مقابلہ بھی پاکستان کے شہیر آفریدی اور بھارتی باکسر اسرار عثمانی کے درمیان ہوا، شہیر آفریدی باکسنگ رنگ میں اترے اور چند منٹوں میں بھارتی باکسر کو دھودیا اور انہیں سنبھلنے کا موقع ہی نہیں دیا۔

اس طرح سندھ پولیس سے تعلق رکھنے والے شہیر آفریدی نے  پہلے ہی راؤنڈ میں بھارتی باکسر کو ناک آؤٹ کردیا ، یوں ایشین باکسنگ فیڈریشن کے مڈل ویٹ کا ٹائٹل بھی پاکستان کے نام رہا۔

کراچی کےعلاقے لیاری سے تعلق رکھنے والے نادر بلوچ نے ایشین باکسنگ فیڈریشن کونٹینینٹل کا ٹائٹل تھائی باکسر کو شکست دے کر اپنے نام کیا۔

 پاکستان پروفیشنل باکسنگ کونسل کے سیکرٹری کلیم آزاد نے اس حوالے سے کہا کہ پاکستانی باکسروں نے زبردست کامیابی حاصل کی ہے، ان تمام باکسر کا پاکستان واپسی پر شاندار استقبال کیا جائے گا۔

<!––>



Source link

abdul aziz siddiqui
Author: abdul aziz siddiqui

Abdul Aziz Siddiqui Advocate ||Writer ||columnist at khabraindaily @Azizsiddiqui100 is senior lawyer and columnist from Karachi

اس خبر پر اپنی رائے کا اظہار کریں