واپڈا اسپورٹس بورڈ کا ویٹ لفٹر نوح دستگیرکو گولڈ میڈل جیتنے پر مبارکباد 12

واپڈا اسپورٹس بورڈ کا ویٹ لفٹر نوح دستگیرکو گولڈ میڈل جیتنے پر مبارکباد

چیئرمین واپڈا اور واپڈا اسپورٹس بورڈ نے ویٹ لفٹر نوح دستگیر کو کامن ویلتھ گیمز میں گولڈ میڈل جیتنے پر مبارکباد دی ہے۔

تفصیلات کے مطابق واپڈا ویٹ لفٹرنوح دستگیر نے کامن ویلتھ گیمز میں شاندار کارکردگی کا مظاہرہ کرتے ہوئے گولڈ میڈل اپنے نام کیا ہے۔

چیئرمین واپڈا نے اپنے بیان میں کہا کہ واپڈا ویٹ لفٹر نوح دستگیر نے اپنی شاندار کارکردگی سے ملک کا نام روشن کیا، فخر ہے کہ نوح دستگیر جیسے کھلاڑی واپڈا اسپورٹس کا حصہ ہیں۔

واپڈا اسپورٹس بورڈ نے کہا کہ بین الاقوامی مقابلوں میں پاکستان کا پرچم سر بلند کرنے میں واپڈا کے کھلاڑی اہم کردار ادا کر رہے ہیں، واپڈا پاکستان میں کھیلوں کے فروغ اور کھلاڑیوں کی بہبود کے لئے پُر عزم ہے۔

واضح رہے کہ برمنگھم میں جاری کامن ویلتھ گیمز میں پاکستان کے ویٹ لفٹر نوح دستگیر نے گولڈ میڈل جیت کر تاریخ رقم کر دی۔

 پاکستانی ویٹ لفٹر نوح دستگیر بٹ نے 109 کلو گرام کیٹیگری میں نیا ریکارڈ بھی بنا ڈالا، انہوں نے 109 کلو گرام کیٹگری میں اسنیچ میں پہلی کوشش میں 170 کلوگرام وزن اٹھایا۔

نوح بٹ نے دوسری کوشش میں 173 کلوگرام جبکہ تیسری کوشش میں پاکستانی ویٹ لفٹر نوح دستگیر نے 174 کلو گرام وزن اٹھا کر پاکستان کے لیے پہلا گولڈ میڈل حاصل کیا اور نیا ریکارڈ بھی بنا ڈالا۔

کامن ویلتھ گیمز میں 109 کلو گرام کیٹیگری کے مقابلوں میں بھارت، آسٹریلیا، انگلینڈ اور کنییڈا کے ویٹ لفٹرز کو شکست کا سامنا کرنا پڑا۔

<!––>



Source link

abdul aziz siddiqui
Author: abdul aziz siddiqui

Abdul Aziz Siddiqui Advocate ||Writer ||columnist at khabraindaily @Azizsiddiqui100 is senior lawyer and columnist from Karachi

اس خبر پر اپنی رائے کا اظہار کریں