shahrukh khan 107

مداح نے شاہ رخ خان کو منفرد بنا دیا

ممبئی: بالی ووڈ کے اسٹار اداکار شاہ رخ خان کی سوشل میڈیا پر وائرل نئے روپ کی حقیقت سامنے آگئی۔

میڈیا رپورٹ کے مطابق سماجی رابطے کی فوٹو اور ویڈیو شیئرنگ ایپ انسٹاگرام پر بھارتی اداکار کی ایسی تصویر وائرل ہے جس میں ان کا نیا روپ ہے۔

شاہ رخ خان کے مداح اس وقت حیران رہ گئے کہ جب انہیں پتا چلا کنگ خان کی نئی اور وائرل تصویر اصلی نہیں بلکہ اسے ایک پرستار نے سافٹ ویئر کے ذریعے ایڈٹ کیا ہے۔ ایڈٹ شدہ تصویر میں بھارتی اداکار بڑے بالوں کی ہیئر اسٹائلنگ اور ہلی داڑھی کے ساتھ نظر آرہے ہیں۔

اداکار کے چاہنے والوں نے ایڈٹ تصویر کو بھی پسند کیا، کئی مداحوں کا کہنا تھا کہ شاہ رخ خان بڑے بال اور داڑھی میں بھی اچھے لگے۔

خیال رہے کہ شاہ رخ خان ان دنوں سدھارتھ آنند کی فلم پٹھان کی شوٹنگ میں مصروف ہیں، کئی لوگوں کا خیال تھا کہ کنگ خان نئی فلم میں مذکورہ انداز میں سامنے آئیں گے لیکن حقیقت اس کے برعکس رہی۔

بعد ازاں فلمی اسٹارز کے فوٹوگرافر ڈبو رتنانی نے شاہ رخ خان کی اصل تصویر شیئر کی جو انہوں نے خود کھینچی تھی اور بتایا کہ اداکار کا مذکورہ روپ فیک ہے۔

وسیم عباس
Author: وسیم عباس

وسیم عباس فری لانسر , جرنلسٹ , وی لاگر , کالم نگار , سوشل میڈیا ایکٹویسٹ ,خبریں ڈیلی کے ساتھ بطور ایڈمن منسلک ہیں انکا ٹویٹر اکاونٹ[email protected] کے ہینڈل سے ہے۔

اس خبر پر اپنی رائے کا اظہار کریں