82

یونان کے شہر ایتھنز کے قریب اور ایویا جزیرے پر جنگل کی آگ میں شدت

ایتھنز، (یونان) 6 اگست، ایتھنز شہر کے قریب اور ایویا جزیرے پر موجود جنگلات میں لگی آگ تیز ہواؤں کی وجہ سے شدت اختیار کر گئی جس کی وجہ سےیونان نے راتوں رات ایتھنز کے شمالی نواحی علاقوں اور قریبی جزیرے ایویا میں بڑے پیمانے پر رہائشیوں کا اِن علاقوں سے انخلاء کیا۔ 

ہزاروں افراد ایتھنز کے قریب اپنے گھر چھوڑنے پر مجبور ہوئے اور 600 افراد نے کشتی کے ذریعے اپنے آپ کو آگ کی لپیٹ میں آنے سے بچایا۔ اب تک گہرے دھوئیں کے بادل یونانی دارالحکومت پر چھائے ہوئے ہیں۔ 

محکمہ موسمیات کی طرف سے مزید تیز ہواؤں کی پیشن گوئی کی گئی ہے جس سے آگ میں مزید شدت آنے کے خطرات منڈلا رہے ہیں۔ 

فرانس ، سوئٹزرلینڈ ، سویڈن ، قبرص اور رومانیہ کے فائر فائٹرز آگ پر قابو پانے میں یونان کی مدد کر رہے ہیں۔

شمالی مقدونیہ اور جنوب مغربی ترکی میں بھی جنگل کی آگ بھڑک رہی ہے۔

شمالی مقدونیہ کی انتظامیہ نے بھی رہائشیوں کو ہنگامی صورتِ حال سے اگاہ کر دیا ہے۔ 

 پڑوسی البانیہ اور بلغاریہ میں بھی آگ بھڑک اٹھی ہے۔ 

کیتھمیرینی اخبار کی رپورٹ کے مطابق ، شمالی ایتھنز کے نواحی علاقے واری بوبی میں بھڑکنے والی آگ نے جمعرات کو زور پکڑ لیا اور پہاڑ پارنیتھا کے قریب ملحقہ علاقوں میں پھیل گئی۔

مزید مشرق میں ، ووتھوناس اور میراتھن کے باشندوں کو متنبہ کیا گیا ہے کہ وہ جمعہ کو ساحل کی طرف منتقل ہو جائیں کیونکہ جنگل کی آگ کئی محاذوں پر پھیل چُکی ہے۔

درجنوں گھر تباہ ہو چُکے ہیں۔ ابھی تک کسی فرد کی ہلاکت کی اطلاع نہیں ہے ، لیکن درجنوں  زخمی افراد ہسپتال میں منتقل کیے جا چُکے ہیں۔ 

موسمیاتی تبدیلی گرم ، خشک موسم کا خطرہ بڑھاتی ہے

ایتھنز میں ایک ہفتے میں درجہ حرارت چالیس ڈگری سے زیادہ رہا ہے جِس کے سبب آگ کی شدت میں اضافہ ہوا ہے۔

صنعتی دور شروع ہونے کے بعد سے دنیا پہلے ہی تقریبا ایک عشاریہ دو سینٹی گریڈ تک گرم ہوچکی ہے اور درجہ حرارت مسلسل بڑھ رہا ہے۔ 

ہیٹ ویو کی وجہ سے جنگلات میں موجود خشک درختوں اور ٹہنیوں میں آگ بھڑک اُٹھتی ہے اور پھر ہوا اس آگ کی شدت میں اضافےکا باغث بنتی ہے۔

ماریہ ملک  

وسیم عباس
Author: وسیم عباس

وسیم عباس فری لانسر , جرنلسٹ , وی لاگر , کالم نگار , سوشل میڈیا ایکٹویسٹ ,خبریں ڈیلی کے ساتھ بطور ایڈمن منسلک ہیں انکا ٹویٹر اکاونٹ[email protected] کے ہینڈل سے ہے۔

اس خبر پر اپنی رائے کا اظہار کریں