egyptian-business-tycoon 82

مصری ارب پتی کا پاکستان میں بڑے پیمانے پر سرمایہ کاری کی خواہش کا اظہار

اسلام آباد : وزیراعظم عمران خان سے ملاقات میں مصری ارب پتی نجيب اُنسي ساويرس نے پاکستان میں بڑے پیمانے پر سرمایہ کاری کی خواہش کا اظہار کردیا

تفصیلات کے مطابق وزیراعظم عمران خان سے مصر کی معروف کاروباری شخصیت نجيب اُنسي ساويرس کی ملاقات ہوئی ، ملاقات میں پی ٹی آئی رہنما زلفی بخاری بھی شریک ہوئے۔

ملاقات میں سیاحت میں سرمایہ کاری کے وسیع مواقع اور ٹورازم پراجیکٹ پر گفتگو ہوئی اور نجیب انسی ساویرس نے حکومت کی کاروبار دوست پالیسیوں پر اعتماد کا اظہار کیا۔

نجیب انسی ساویرس نے پاکستان کو سرمایہ کاری کیلئے موزوں ترین قرار دیتے ہوئے پاکستان میں بڑے پیمانے پر سرمایہ کاری کی خواہش کا اظہار کیا جبکہ ملاقات میں پاکستان کے سیاحتی شعبے میں سرمایہ کاری پر اتفاق کیا گیا۔

بعد ازاں نجیب ساویرس نے سماجی رابطے کی ویب سائٹ ٹوئٹر پر اپنے پیغام میں کہا کہ وزیراعظم سے ملاقات شاندار ،پاکستان میں سرمایہ کاری پربات ہوئی، ملاقات کااہتمام کرانے پر زلفی بخاری کا شکر گزار ہوں۔

معاون خصوصی زلفی نے سماجی رابطے کی ویب سائٹ ٹوئٹر پر نجیب ساویرس کواپنےدوسرے گھرپاکستان آمد پر خوش آمدید کہتے ہوئے کہا پاکستان میں سرمایہ کاری لانے پر نجیب ساویرس کے شکر گزار ہیں۔

وسیم عباس
Author: وسیم عباس

وسیم عباس فری لانسر , جرنلسٹ , وی لاگر , کالم نگار , سوشل میڈیا ایکٹویسٹ ,خبریں ڈیلی کے ساتھ بطور ایڈمن منسلک ہیں انکا ٹویٹر اکاونٹ[email protected] کے ہینڈل سے ہے۔

اس خبر پر اپنی رائے کا اظہار کریں