The Taliban claim control of Faizabad, the capital of Badakhshan 46

طالبان کا بدخشاں کے دارالحکومت فیض آباد پر قبضے کا دعویٰ

افغان طالبان نے دعوی کیا ہے کہ انھوں نے شمال مشرقی صوبے بدخشاں کے دارالحکومت فیض آباد پر بھی قبضہ کر لیا ہے تاہم افغان حکام کا کہنا ہے کہ فضائی اور کمانڈو حملوں میں ملک کے دیگر حصوں میں درجنوں طالبان عسکریت پسندوں کو ہلاک کیا گیا ہے۔

اگر طالبان کا دعوی درست ہے تو یہ ایک ہفتے میں طالبان کے قبضے میں جانے والا نواں شہر ہوگا۔

ادھر قندوز میں طالبان سے شکست کے بعد سینکڑوں افغان فوجی ایئر پورٹ میں پناہ لینے پر مجبور ہوگئے تھے تاہم تازہ ترین اطلاعات کے مطابق انھوں نے بھی ہتھیار ڈال دیے ہیں۔

اسی دوران اپنے فوجیوں کی حوصلہ افزائی کے لیے افغان صدر محمد اشرف غنی ایک اعلی سطحی وفد کے ہمراہ شمالی شہر مزار شریف پہنچ گئے ہیں
دوسری جانب پاکستانی اور افغانستان کے درمیان چمن اور سپین بولدک کے مقام پر واقع سرحدی راہداری ایک بار پھر بند کر دی گئی ہے۔ یاد رہے کہ طالبان نے گذشتہ ہفتے یہ راہداری بند کر دی تھی اور منگل کو پاکستانی حکام سے مذاکرات کے بعد اسے نہ صرف کھول دیا گیا تھا بلکہ اس کے کھلنے کے اوقات میں توسیع کا نوٹیفیکیشن بھی جاری کیا گیا تھا۔

وسیم عباس
Author: وسیم عباس

وسیم عباس فری لانسر , جرنلسٹ , وی لاگر , کالم نگار , سوشل میڈیا ایکٹویسٹ ,خبریں ڈیلی کے ساتھ بطور ایڈمن منسلک ہیں انکا ٹویٹر اکاونٹ[email protected] کے ہینڈل سے ہے۔

اس خبر پر اپنی رائے کا اظہار کریں